Miu i qytetit dhe miu i arave

Oct 12, 2013 No Comments by

Autor: Graham Pérsi

Çmimi: 200 lekë

ISBN: 978-99956-52-65-4

Përralla “Miu i qytetit dhe Miu i arave”, i shkrimtarit Graham Pérsi, me humorin, ngjarjet dhe personazhet kafshë është një histori e këndshme për fëmijët, të cilët tërhiqen nga e jashtëzakonshmja. E jashtëzakonshme është mënyra se si dy minjtë që flasin, udhëtojnë, shkojnë miq te njëri-tjetri tamam si njerëzit. Dhe kjo sigurisht që të bën “t’i shqyesh sytë” nga habia, e sidomos fëmijët.

Ilustrimet me ngjyra si të ishin vetë ngjyrat që përcjell historia e bëjnë edhe më interesant librin, ku çdo gjë, shtëpitë, ushqimi, maçoku, njerëzit, sillet qark dy minjve. Në fund secili prej tyre, i mësuar me jetën njëri në ara e tjetri në qytet, s’mund të jetojë tjetërkund.

Situatat ku ndodhen herë pas here minjtë sjellin sa  humor aq dhe kërshëri për të marrë vesh se ç’ndodh me ta. Deri në fund, përralla e bën lexuesin e vogël pjesë të historisë së saj për të sajuar me imagjinatën e tij rrjedhën e ngjarjeve.

E rekomandojmë këtë libër si shumë të dobishëm për bibliotekat e shkollave si pjesë e leximeve të nxënësve të klasës së parë.

Libra për Fëmijë
Comments are closed.