Roman (58)

Showing 1–10 of 58 results

Sort by:
  • img-book
    Anija e nuseve by: Jojo Moyes

    Të vetmit njerëz që i kanë të gjitha përgjigjet janë ato të cilët nuk janë përballur kurrë me pyetjet…

  • img-book
    Rated 2.00 out of 5
    Rrëfimtarja by: JODI PICOULT

    Shumë zëra rrëfimtarë përfshihen brenda romanit të Jodi Picoult, duke lidhur fijet e kujtimeve të së kaluarës, me emocionet që trazojnë ujërat e të tashmes. Dhe çelësi për të kapërcyer situatën, qëndron edhe njëherë në forcën e rrëfimit.

    Një tregim mund të jetë shumë i fuqishëm. Mund të ndryshojë rrjedhën e historisë. Mund të shpëtojë një jetë. Por mund të kthehet edhe në një pengesë të kobshme, ku mbetemi të pafuqishëm të reagojmë, të shkruajmë, për t’u çliruar.

  • img-book
    Rated 5.00 out of 5
    Faji në yjet tanë by: John Green

    Dashuria është një sëmundje nga e cila nuk dëshiron të shërohesh
    Hezëlli është gjashtëmbëdhjetë yjeç, por mbi supe i rëndon një mrekulli e përnjimendtë: falë një mjekimi eksperimental, sëmundja që i diagnostikuan vite më parë po bën prapakthehu. Por mësoi gjithashtu që mrekullitë paguhen herët a vonë: ndërkohë që ajo lëngonte dhe dergjej shtretërve të pavijonëve, bota rendte me shpejtësi, duke e lënë mbrapa, të vetmuar dhe jashtë qerthullit të interesave që ushqenin bashkëmoshatarët e saj, me një jetë të thërrmuar copërat e së cilës nuk ngjiten më.
    Por një ditë fati e solli që të takojë Augustusin, shokun e fatkeqësisë, një tip joshës që e rrëmben dhe e bën për vete me etjen për të jetuar, pasionet, harenë, dhe i tregon se bota nuk ndalet në vend, dhe së bashku mund ta kapin sërish. Por si një mëkat fillestar, si një faj i shkruar në yjet e mbrapshta nën të cilët kanë lindur Hezëlli dhe Augustusi, koha që kanë në zotërim është një mrekulli, dhe si e tillë duhet paguar.
    JA Ç’KANË THËNË PËR FAJI NË YJET TANË:

    “Një gërshetim melankolie dhe ëmbëlsie, një roman filozofik dhe zbavitës njëherësh. Green nxjerr në skenë dashurinë e vërtetë… dhe është më romantike se një perëndim dielli në plazh.” -New York Times

    “Një klasik i atypëratyshëm.” Time

    “Faji i yjeve është dëshmi që fanatizmi i krijuar rreth figurës së John Green është plotësisht i merituar.” - Nattional Public Radio

    “Një histori aq e bukur sa të ther në shpirt.” - School Library Journal

    “John Green gërsheton plot mençuri thellësinë dhe jetën e përditshme. Faji në yjet tanë është një letër dashurie drejtuar gjinisë njerëzore.” - Washington Post

  • img-book
    Qytete letre by: John Green

    “Mbresëlënës, me dialogë inteligjentë dhe me shije. Humori ku do të qeshni me të madhe ndërthuret me hidhërimin e thellë. Proza e Green-it është marramendëse – nga zhargoni gazmor dhe intelektual, tek filozofitë komplekse apo vëzhgimet dhe të vërtetat shokuese.”
    SLJ (School Library Journal)

    “Paper Towns ishte si të thithësh ajër të pastër krahasuar me librat e tjerë që kam lexuar – që kanë qenë ose novela tepër dramatike adoleshtësh ose klishe të gjalla.
    Por John Green di pikërisht se si të intrigojë proçesin tuaj të të menduarit dhe t’ju bëj të admironi gjërat dhe elementet e vogla përreth jush, në dukje të parëndësishme. Pa dyshim që është një vepër e cila duhet të jetë në listën tuaj dhe sipas meje ky libër meriton 5 yje.”
    Washingtonian Surveyor

  • img-book
    Vajza që le pas by: Jojo Moyes

    Nga autorja e bestsellerit të “New York Times”-“Unë më parë se ti”, vjen një histori mahnitëse e dashurisë së dy grave që i ndan një shekull, por që i bashkon vendosmëria për të luftuar për atë që duan më shumë…

    Libri i Jojo Moyes, “Unë më parë se ti”, e dërgoi shkrimtaren në majat e kritikës duke e bërë të njohur për lexuesit e gjithë botës. “Romantike e vërtetë dhe plot shpresa “(Chicago Tribune), Moyes kthehet me një tjetër histori të papërmbajtshme që pyet: “Ҫfarë ka ndodhur me vajzën që le pas?” Francë, 1916: Artisti Eduard Lëfevrë e lë në shtëpi gruan e tij të re, Sofinë, dhe shkon të luftojë në front. Kur fshati i tyre i vogël bie në duart e gjermanëve në mes të Luftës së Parë Botërore, portreti i Sofisë i punuar nga Eduardi i tërheq vëmendjen komandantit të ri. Ndërkohë që obsesioni i oficerit të ri sa vjen e rritet rrezikshëm, Sofia është gati të rrezikojë gjithçka – familjen, emrin, jetën – për të parë edhe një herë burrin.
    Pothuajse një shekull më vonë, portreti i Sofisë i dhurohet Liva Halstonit nga burri i vet pak para vdekjes së tij të papritur. Një takim i rastësishëm zbulon vlerën e vërtetë të pikturës dhe fillon një betejë për të provuar se cili është pronari i saj i ligjshëm – duke e vënë besimin e Livës përballë provës përfundimtare.

  • img-book
    Vajza e zjarrit by: Suzanne Collins

    “Vajza e zjarrit” është vazhdimi i romanit “Lojërat e urisë”.
    Kundër çdo parashikimi, Katnis i fitoi “Lojërat e urisë”. Ajo dhe Pita janë të dy gjallë. Katnis duhet të ndihet e lehtësuar, madje e lumtur. Tek e fundit, ajo u kthye në familjen e saj dhe tek shoku i saj i përjetshëm, Geil. Por përsëri asgjë nuk është ashtu siç ajo do të dëshironte: Geil është ftohur dhe i rri larg, Pita i ka kthyer shpinën dhe ka zëra për një komplot të mundshëm kundër Kapitolit, një rebelim që ajo vetë dhe Pita kanë ndihmuar për t’u krijuar.
    Katnis ka ndihmuar në krijimin e një situate që nuk është e sigurt nëse mund ta ndalojë dhe çfarë e shqetëson më shumë është se nuk është e sigurt edhe nëse duhet të përpiqet ta bëjë.
    Ndërsa afrohet koha për t’u kthyer në Kapitol, Katnis dhe Pita duhet të provojnë se janë të dashuruar me njëri-tjetrin, ndryshe pasojat do të jenë të tmerrshme.

  • img-book
    Panemi Grifsha by: Suzanne Collins

    “Emri im është Katnis! Pse nuk kam vdekur? Unë duhej të kisha vdekur”.
    Katnis, vajza e zjarrit, ka arritur të mbijetojë, edhe pse shtëpia e saj është shkatërruar. Geil është arratisur, familja e saj është e sigurt, Pita është kapur rob nga Kapitoli, Rajoni 13 në të vërtetë nuk ekziston. Tashmë ka drejtues të rinj. Revolucioni ka nisur!
    Katnis arriti të shpëtonte nga arena dhe, pa e ditur, ka qenë pjesë e revolucionit prej një kohe të gjatë. Rajoni 13 u shfaq si hije dhe kërkon të pushtojë Kapitolin. Me sa duket, të gjithë kanë pasur dorë në organizimin e planeve, përveç Katnis.
    Suksesi i rebelimit varet nga vullneti i Katnis për të pranuar përgjegjësitë dhe për të ndihmuar mijëra jetë të vendit të saj. Për ta bërë këtë, ajo duhet të bëhet “Panemi Grifsha”, pa menduar për kostot personale.

  • img-book
    Idioti by: F.M.Dostojevski

    Idioti, kryevepër e madhe, subjekt interesant, personazhe të gdhendur deri në skalitje, durim i pashembullt, filozofi e thjeshtë ndonëse pansllaviste, psikologji e hollë krejt njerëzore, ja cila është kjo vepër që jehoi në faqet e kritikës botërore prej më tepër se njëqind vjet, pa lodhur asnjë dorë dhe pa krijuar strese në asnjë mendje. Ajo që tregon Dostojevski me “Idiotin” e tij është madhështia e brendshme e njeriut, edhe në ato raste kur ai na shfaqet si humbameno, si i trashë, si një gjë pa pikën e vlerës e pa kurrfarë perspektive… Por a mund të harrojmë se shumica dërrmuese e njerëzimit janë të tillë?!

  • img-book
    Djajtë by: F.M.Dostojevski

    Një libër tërësisht politik, “Djajtë” është një lloj testamenti i jetës në Rusinë perandorake të fundit të shekullit XIX.
    Me shkëlqimin e revolucionit demokratik në Rusi, nisën të lindin edhe ideologji të ndryshme. Dostojevski i sheh me sy kritik edhe idealistët liberalë, duke i portretizuar idetë e tyre si demoniake, edhe absurditetin e konservatorëve për t’u përballur me pasojat sociale.
    Libri ka pesë personazhe kryesore ideologjike: Verkhovensky, Shatov, Stavrogin, Stepan Trofimovich dhe Kirilov. Nëpërmjet filozofive të tyre, Dostojevski përshkruan kaosin politik të shekullit XIX.
    Ngjarjet zhvillohen në një ambient provincial, në fillim në pronën e Stepan Trofimovich Verkhovensky dhe Varvara Stavrogina. Djali i e Stepan është një revolucionar i cili përpiqet të organizojë një aleancë revolucionarësh në zonë. Ai e konsideron Nikolain, djalin e Varvarës, si person kyç në planin e tij, pasi ky i fundit nuk ka simpati për njerëzit në përgjithësi.
    I frymëzuar nga një ngjarje e vërtetë e një vrasjeje politike, Dostojevski e shkroi “Djajtë” si një mënyrë për të thënë gjithçka mbi plagën e materializmit që infektoi vendin e tij.a