Romancë (9)

Showing all 9 results

Sort by:
  • img-book
    Madhëria e saj by: Danielle Steel

     

    Princesha Kristiana, më e lumtur e veshur thjesht me xhinse dhe t-shirt sesa me veshjet formale të familjes mbretërore, lë universitetin dhe udhëton drejt Afrikës për të punuar si vullnetare për Kryqin e Kuq. E vendosur për të bërë ndryshimin, ajo zhytet në pluhur dhe mundohet të ruajë sekret identitetin e saj nga kolegët me të cilët punon.
    Dr. Parker, i cili punon me Kristianën dhe ndan të njëjtin pasion me të për vullnetarizmin, nuk e ka idenë se kush është vajza. Ndërsa dhuna shtohet në kamp dhe familja i bën presion për t’u kthyer, dëshira e saj për pavarësi rritet më shumë se kurrë.
    Nga një rastësi apo dëshirë e fatit, në një moment të vetëm shokues, jeta e Kristianës ndryshon përgjithmonë në një mënyrë që ajo nuk e kishte menduar asnjëherë.

     

  • img-book
    Dy jetë by: Danielle Steel

    “Dy jetë” një nga romanet më të bukur e më të lexuar të Danielle Steel, kësaj mrekullie që ka pushtuar zemrat e miliona njerëzve, miliona grave, kudo në botë. “Dy jetë” është një libër , si të gjitha veprat e shkrimtares së madhe amerikane, që të mbërthen e nuk lëshohet nga dora, që lexohet me një frymë. Dy jetë paralele, njëra e ditëve tona dhe tjetra në histori, të ngërthyera bukur e me art, gjejnë mrekullisht jehonë në zemrën e secilit lexues dhe ndezin aty pasione të madha e një joshje të magjishme.

    “Jeta është e bukur, e përsosur. Jeta është e tmerrshme dhe do të duhet një kohë mrekullisht e gjatë për t’u latuar e për të ardhur me elegancë e përkryerje në formën e saj më të mirë, si tek “Dy jetë” të Steel.
    Jeta është dritë magjike. Por jeta është edhe errësirë e dritësuar, si në një ag kur sapo cel, apo në një muzg që depërton në qenien e kujtdo.
    Jeta është kuptim i lartë.
    Jeta, megjithatë kthehet në një mocal me ujë të ndenjur… Të gjitha këto do t’i gjeni në magjinë e Danielle Steel që shkruan thjesht, por brenda një metafore të madhe e të fuqishme dhe po aq bindshëm rreth emocioneve universale njerëzore”

    Publishers Weekly

  • img-book
    Ethet e zemrës by: Danielle Steel

     

    Bill Thigpen, autor dhe producent i një programi shumë të suksesshëm ditor, ishte kaq i zënë duke u marrë me shkëlqimin e karrierës së tij sa nuk e kuptoi që martesa po i shkonte drejt shkatërrimit. Tani, nëntë vjet më vonë, duke jetuar vetëm në Hollivud, pa gruan dhe fëmijët, karriera e tij është akoma në majë. Programe të ndjekura, marrëdhënie të qeta dhe pushime të herëpashershme me dy djemtë – jeta e tij dukej në një ekuilibër perfekt… ose të paktën kështu mendonte ai.
    Adrian Townshed mendonte se kishte gjithçka: një punë që e donte si asistente prodhimi në televizion dhe një burrë të pashëm, që po ngjiste shkallët e suksesit në profesionin e tij. Ata kishin punuar fort për të arritur ato që kishin… derisa ajo mbeti shtatzënë. Dhe papritur jeta e saj u pushtua nga kaosi dhe ultimatumi i Steven: ai ose fëmija.
    Bill Thigpen and Adrian Townshed u takuan në një  supermarket. Sa e pa, Bill kuptoi se donte më shumë në jetën e tij, një grua që ta donte, një familje të vërtetë përsëri.

     

  • img-book
    Bungalow by: Danielle Steel

    Në këtë libër, Daniel Still na çon përtej joshjes dhe shkëlqimit të Hollivudit. Në roman  përshkruhet historia e një gruaje, shndërrimi i saj nga një grua dhe nënë periferie në një skenariste të njohur…
    Telefonata erdhi në një ditë të nxehtë korriku, një ditë si gjithë të tjerat për shkrimtaren e pavarur Tania Harris. Por kjo telefonatë nga agjenti i Tanias nuk ishte e zakonshme, pasi po i ofrohej një shans i jashtëzakonshëm për të shkruar një skenar hollivudian: një ëndërr të cilën e kishte lënë mënjanë me kohë, për t’iu kushtuar familjes. Por këtë herë, Tania e di që nuk mund të refuzojë, edhe pse është e pavendosur për të lënë bashkëshortin dhe të bijat.
    Në momentin që hyn në hotelin Beverly Hills, Tania përballet me një botë të re, që e bën të ndihet e rilindur dhe plot frymëzim.
    Ajo nis të punojë me aktorë të mëdhenj dhe një legjendë Hollivudi: producentin fitues të çmimit “Oscar”,
    Douglas Wayne, një burrë që arrin gjithmonë të marrë atë që do. Pavarësisht fluturimeve drejt shtëpisë në pauzat mes xhirimeve, Tania e ka të vështirë të lidhet sërish me familjen e saj. Dy jetët e saj përplasen me njëra-tjetrën dhe Tania fillon të mendojë nëse mund të jetë shkrimtare, nënë dhe grua në të njëjtën kohë.
    Në këtë libër, Daniel Still e çon lexuesin në botën e famës dhe pasurisë, të aktorëve dhe personazheve të njohur, duke guxuar të tregojë jetën e vërtetë dhe ëndrrat nën shkëlqimin e Hollivudit.

  • img-book
    Eni Ferguson by: Danielle Steel

    Eni Ferguson ishte një arkitekte e re e shkëlqyer në Manhatan. E bukur, e talentuar, me një punë të mirë, apartament të ri dhe të dashur, dukej sikur e kishte botën në pëllëmbë të dorës… derisa një zile telefoni ndryshoi rrjedhën e jetës së saj përgjithmonë. Brenda natës ajo u bë nëna e tre fëmijëve jetimë të motrës së saj, duke mbajtur kështu një pretim për të cilin nuk u pendua kurrë, edhe pse do të thoshte të hiqte dorë nga jeta e saj.
    Tani, në moshën 42-vjeçare e më e pavarur se kurrë, me një karrierë të kënaqshme dhe me një familje që është e shenjtë për të, Eni ndihet mirë me të qenit pa partner.
    Me nipërit e saj tashmë të rritur, Eni përballet me sfida të reja. Më e madhja nga mbesat, 28-vjeçarja Liza, një editore e palodhur për “Vogue”, nuk ka lejuar kurrë asnjë burrë t’i afrohet aq shumë sa të ketë mundësi ta lëndojë.  Ted, 24-vjeçar, një student i shkëlqyer i juridikut, është përfshirë në një marrëdhënie me një grua më të madhe në moshë dhe me fëmijë. Dhe më e vogla, Keti 21-vjeçare, është studente arti dhe një vajzë paksa rebele, që është gati të bëjë një zgjedhje që do t’i hapë një botë krejt të re, për të cilën nuk është përgatitur.
    Dhe atëherë kur nuk pritej, një takim i rastësishëm do të ndryshojë jetën e Enit në mënyrën më të paparashikueshme.

  • img-book
    Rated 2.00 out of 5
    Mrekullia e fajit by: Danielle Steel

    “Mrekullia e fajit” gati të çon në titujt e veprave mesjetare, kur duhej t’i besonin fatthënës, jetës së dyzuar, plagëve që shëroheshin me një shikim të thjeshtë dhe njeriu befas ngrihet në këmbë. Ngjarjet janë të thjeshta, të zakonshme, të ditës dhe befas marrin pamjen e groteskut, bëhen të fuqishme, të mëdha, marrin formën e njeriut dhe fitojnë ndërgjegje, nuk humbasin nëpër sfidat ku mund të treten e të harrohen. Thelbi është gabimi, faji njerëzor, i cili mund të lindë një fëmijë, mund të shërojë një të sëmurë psikik, mund të ndajë një familje, mund të krijojë vlera të fuqishme e të paharrueshme, mund edhe të të degdisë, të të harrojë e përsëri të mbetet vlerë. Sepse, tek e fundit, mrekullia e jetës është veç harresa!
    Daniel Steel di të depërtojë në psikologjinë e personazheve të saj, di të ndërtojë atmosferën e bukur të analizës dhe të një realiteti nga më të veçantët edhe kur ngjarja është gati e lemerishme. Daniel Still di që të dalë nga gjendja me realizëm, sepse në një rrugë si kjo edhe futet në ngjarje. Marrëdhëniet nënë-fëmijë janë një përvojë e hatashme e shkrimtares, e cila ka lindur e rritur nëntë fëmijë dhe që thuajse të gjithë librat ua dedikon atyre, asaj mrekullie të jashtëzakonshme njerëzore që ka fituar nga jeta.
    Daniel Still është shkrimtare me përvojë dhe me një sens të hollë. Ajo të habit me kthesat aq të thjeshta e të kuptueshme për të gjithë në jetë. Asaj i bën përshtypje gjithçka dhe e rrëmben përmbytja që shkaktojnë ndjenjat dhe emocionet.

  • img-book
    Eden i ndaluar by: Danielle Steel

    Fotografja e njohur Hope Dunne ka njohur gëzimin dhe dhimbjen dhe gjen qetësi pas objektivit të aparatit. E kënaqur me strehën e saj, ajo nuk është në kërkim të një burri dhe pasioni. Por këto e gjejnë vetë kur udhëton drejt Londrës për të fotografuar një nga shkrimtarët më të njohur në botë.
    Finn O’Neil, shumë i suksesshëm, tërhiqet menjëherë nga qetësia e fotografes. Ai i bën komplimente si askush tjetër më parë, madje e fton edhe në pronën e tij në Irlandë.
    Hope pasionohet nga shkrimtari, që i duket i parezistueshëm. Por shpejt, gjëra në dukje të vogla nisin të ngrenë krye, disa gënjeshtra, skena xhelozie…
    Hope ka rënë në dashuri, por në të njëjtën kohë është plot dyshime për marrëdhënien e saj, madje edhe e frikësuar nga burri që ka në krah. A është e mundur që një burrë i adhurueshëm të fshehë diçka të tmerrshme?

  • img-book
    Rated 4.00 out of 5
    Joshja e jugut by: Danielle Steel

    Me këtë roman të ri, Daniel Still na çon kësaj here nga salla e gjyqit në Gjykatën e Manhatanit, në Jugun tradicional amerikan, duke ndërlidhur ngjarjet personale të tashme e të shkuara të një familjeje me një histori krimi e ndëshkimi.

    Me këtë vepër, Still krijon një grup mahnitës te kontrasteve – nga kaosi guximtar i Manhatanit, sistemit kriminal gjyqësor të tij dhe tërheqjes joshëse të jugut.