Tregime dhe novela (7)

Showing all 7 results

Sort by:
  • img-book
    Novela të zgjedhura by: F.M.Dostojevski

    Aty ku shpërthen bota e pasionit, e rënies shpirtërore, e disfatizmit të pashpirt, aty ku jeta bëhet e padurueshme dhe befas çel dhe lulëzon si të mos ishte gjë ajo e kaluar e pakmëparshme, aty ku dashuria bëhet një zjarr i këndshëm që i jep ngrohtësi jetës, aty ku varfëria gëlon dhe rritet në përmasa fatale, aty ku lufta dhe vesi bëjnë kërdinë, është ngjyer pena e palodhur e Dostojevskit të madh. Dhe Novelat e tij ja tek janë para nesh si një monument letrar.

  • img-book
    Portreti i Dorian Greit by: Oscar Wilde

    “Portreti i Dorian Greit” është libri që shokoi kritikët e kohës. Tek kjo vepër duket qartë ndarja e vetes së jashtme dhe atë të brendshme; përpjekja e heroit për të mbajtur të ri veten e  jashtme, duke ndjekur ambicjen që e bën si të huaj ndaj shpirtit të tij. Duke mos duruar këtë përçarje, heroi shkatërron pikturën – idhull, domethënë vetveten inferiore së bashku më ambicien e tij. Kështu çlirohet duke kuptuar se pavdekshmëria dhe bukuria janë karakteristika të shpirtit dhe jo të formës shprehëse të tij.

    “Portreti i Dorian Greit” sjell para lexuesit temën e shkatërrimit të jetës së një të riu nën efektin e së keqes dhe parazitizmit dhe mbivlerësimit të së bukurës, në fund të shekullit XIX në Angli. Duke kombinuar elementet e një fabule të tmerrshme mesjetare, libri përqendrohet në një gjetje të mrekullueshme; ndërsa Dorian Grei zhytet në jetën e krimit dhe të epshit pa fund, trupi i tij mban rininë dhe gjallërinë, portreti i pikturuar nga miku i tij Basil Halluard, ditë pas dite, grumbullon gjurmët e fshehura të së keqes, të cilat i duhet t’i mbajë fshehur nga bota.

    Për mbi një shekull kjo fabul e tmerrshme e magjepsëse, e mbushur me ankth, siguroi popullaritet të madh. Radhitet si vepra më e rëndësishme e Wilde-it përmes krijimeve të tij dhe midis arritjeve klasike të këtij lloji. Dorian Grei, ky fëmijë i dashurisë e i vdekjes, të cilin mund ta bëje ose titan ose një lodër, fillon me një lutje shkatërrimin e tij, lutjen që ai të ngelej i ri e portreti të ishte ai që të mplakej. I veshur me rrobën e rinisë, të lehtë e të papërgjegjshme, ai e bën dashurinë e tij për Sibil Vane të cekët e veten – heroin mëkatar të tragjedisë së saj. Por e kupton se bukuria kishte qenë për të veçse një maskë dhe rinia e tij një parodi.

  • img-book
    I dyzetenjëti by: Boris Lavrenjev

    Një ndër tregimet më interesante të letërsisë ruse të shek.XX, që më pas hapi rrugën e letërsisë disidente për të gjithë vendet e lindjes. Tregon luftën ndërmjet botës së hollë shpirtërore të fisnikërisë ruse dhe mentalitetit konfuz të revolucionit të tetorit. Idili i dashurisë ndërmjet dy mbartësve të këtyre dy botëve kontradiktore përfundon në mënyrën më tragjike në detin Aral.